لاہور سمیت پنجاب کے مختلف علاقوں میں بارش

لاہور سمیت پنجاب کے مختلف شہروں ملتان، راجن پور، سرگودھا اور بہاولپور میں بارش ریکارڈ کی گئی ہے۔

مالاکنڈ، جیکب آباد، شکارپور میں بھی بادل برسے جبکہ کوئٹہ میں ژالہ باری ہوئی ہے۔

محکمہ موسمیات کے مطابق آج اسلام آباد، پنجاب، شمالی مشرقی بلوچستان اور خیبر پختونخوا میں بارش اور چند مقامات پر ژالہ باری کا امکان ہے۔

اس کے علاوہ  گلگت بلتستان اور کشمیر میں بھی بارش کی پیش گوئی کی گئی ہے۔